(分析) 林作或成最大贏家? #從擂台戰看網路年代下的價值
最近社交媒體被洗版的新聞，除左打疫苗、初選者被檢控外，最多被洗被既就係「 #臨終之戰」(*林作同鍾培生的百萬擂台戰)，兩人未上擂台先口水戰，臉書上你一言我一語，再加上麥明詩亂入指責二人眨低女性，引起網民熱話。
係記招之前，轆一轆林作臉書的網民留言，九成都係對佢謾罵，主要針對其身高、女友，或者嘲諷大律師不外如是。一面倒的負評，不單無令林作卻步，反而令佢更不斷地發功玩膠，買西裝炫富、抽黑豹水、裸跑，再加上今次擂台戰，一次比一次爆。林作亦完全拋開牛津、大律師的身份，因為佢清楚知道，一切學歷、專業資歷係信息爆炸的網路新年代都係無價值，只有在網上佔一定討論版面先係王道。畢竟，而家娛樂版講緊佢，連登仔又講緊佢。同樣地，鍾生看似鄙視林作，但感覺上也有互相配合，他在電競界多年，更能理解一百萬根本不甚價值，知名度大於一切。
電腦面前睇住網民留言既林作，係呢個時候可能心諗：如果我臉書淨係講下法律知識、補習心得，會有今日知名度嗎? 的確，係呢個瘋狂的網絡年代，網絡就係我地既生活，大部分玩得社交媒體的朋友，只求係短時間受到網絡的快感刺激，其他刺激度不夠的內容就自然無法引起注意，KOL為保持熱度，當然要有幾低俗玩幾低俗，配合網民既口味。
對於林作既言行，雖然好多人都批評，但不得不否認，以往的連串荒謬行徑令佢紅左，愈來愈多人聽過佢個大名。另一方面，網絡既生態其實黎得快亦去得快，係今日記招之後，網上風向竟一面倒撐林作？的確，網絡年代係人類歷史既革命，過往人類唾棄既道德價值，不理性、不合邏輯、製造對立、吸引眼球、五時花六時變才是王道。#你話林作痴膠花？#其實佢先係最大既贏家。
#林作 #鍾培生 #一百萬 #撩隻抽 #圖片來自oncc
