【海洋公園係香港人獨有的身份認同，54億比起其他大白象算什麼？】

見好多人話唔值得注資救海洋公園，我睇法岩岩相反，認為海洋公園應該要救，理由如下：

1. 海洋公園有別於迪士尼，係 #舊香港獨有文化產物，正如李小龍、功夫、許冠傑、四大天皇、無厘頭、魚蛋、臭豆腐等等，宏觀全世界其他地方唔會有，呢啲就係建構香港人身份認同的文化，絕不應輕易放棄，變成繼荔園後的遺憾；

2. 管理不善自有改善方法，除左換管理層、董事局加入部分民意代表令形象更貼地外，也可 #轉換經營模式。例如數十元的象徵式入場費，入到去每個場館及機動遊戲再另行收費，讓遊客及經營者更有彈性，亦可就部分不受歡迎的場館作針對性措施；

3. 香港過萬億儲備，起條元朗天橋都浪費左17億啦！對比其他大白象，54億算什麼？當然，#亦唔係無條件地救亡，例如應大刀闊斧改革、必須更換無能管理層、調整營運模式、承諾日後收入分成增加回饋庫房等。仲有，如果吉左塊地，分分鐘比規劃署規劃做酒店或豪宅，到時香港人唔揼春？

仲未計就咁結業有幾多珍貴動物安置問題。香港人唔好人云亦云，反對一定容易過讚成，無論泛民定建制政客大大聲反對亦夠eye catching，但如果支持，可能會比人插，但先至係對香港人最負責任的做法。

海洋公園係好多70、80後童年的回憶