【電視訪問】時事多面睇 ：日出康城建校？不建校？｜請教育局清晰交代方向｜勿浪費土地資源

 

《訪問片段：04:48 - 06:15 》 日出康城入伙至今已12年時間，當年剛入住的幼稚園生，今天已經係中學生，但區內原先規劃的2間中學3間小學用地，咁多年來都係只聞樓梯響，未有任何的建校計劃。 我地多次係區議會上面追問教育局，可惜局方一直都只係含糊其詞。起定唔起？有無任何時間表？教育局通通比唔到，而呢幾塊學校用地，其他政府部門或港鐵亦因教育局比唔到清晰方向，而無任何設置民生設施的短期計劃，珍貴的土地資源亦因為咁白白凋空左十幾年。 事實上，即使根據返2016年統計處的數字，日出康城不論6-11歲小學或者12-17中學適齡學童都已經過千人，莫再講我地呢5年康城人口係幾何式的增長，大量年家庭搬入。所以如果只係計康城呢個區，已經遠遠超過規劃署指每25.5名學生就要有1間課室的標準啦。所以康城應付與建一間學校絕對係綽綽有餘。但係教育局回應成日就以成個西貢區去睇數字，呢方面明顯係好有分歧。 感謝最近傳媒的關注，《時事多面睇》以及《自由風自由Phone》都有訪問相關議題，希望教育局可以盡快開誠報公，比返個清晰方向大家，而唔係由得呢的珍貴的土地資源繼續浪費。

相關網址：

建校？不建校？https://news.tvb.com/programmes/closerlook/61573795335d192d060643d5/0/%E5%BB%BA%E6%A0%A1%E4%B8%8D%E5%BB%BA%E6%A0%A1%EF%BC%9F

日出康城學校用地20年仍未建校

https://podcast.rthk.hk/podcast/item.php?pid=289&eid=188735&lang=zh-CN